Shoferi i një prej automjeteve të përfshirë në aksident mbrëmjen e të hënës në Pogradec është transportuar këtë të martë drejt Tiranës. Burime bëjnë me dije se shoferi i transportuar është Enri Çollaku, i cili ka qenë duke drejtuar mjetin tip “Benz” kur ndodhi ngjarja.
Po ashtu, mësohet se ai ishte edhe shkaku i aksidentit, pasi ka bërë një parakalim të gabuar, duke u përplasur me mjetin tjetër. Enri Çollaku ndodhet në gjendje të rëndë shëndetësore dhe për këtë arsye do të marrë një ndihmë më të specializuar nga mjekët e Tiranës.
Aksidenti ndodhi në aksin nacional Pogradec-Tiranë në afërsi të tunelit panoramik dhe për pasojë u plagosën pesë persona, katër prej të cilëve janë jashtë rrezikut për jetën.