Aksident në rrugën Fushë Krujë-Milot

Një person humbi jetën ne orët e para të mëngjesit të kësaj të diele, si pasojë e një aksidenti ne aksin Fushë Krujë-Milot.

67-vjeçari Qemal Bici tentoi të kalonte nga njeri krah i rrugës ne tjetrin, kur u godit nga një fuoristrade, e cila drejtohej nga një i ri nga Laçi.

Sipas policisë e cila mbërriti ne vendngjarje, 67-vjeçari qe kishte edhe një qen me vete i preu rrugën makinës, e cila udhëtonte drejt Tiranës. Përplasja ishte fatale për Bicin, i cili ndërroi jetë menjëherë, ndërsa blutë shoqëruan drejtuesin e mjetit Gentian Metaj.