Një 75 vjeçar ka humbur jetën paraditen e kësaj të hëne në qytetin e Lushnjes, pasi u përplas nga një mjet tip “Toyota”.
Aksidenti ndodhi rreth orës 13.00 në aksin rrugor Lushnje – Rrogozhinë, në fshatin Konjat. Në momentin e aksidentit, i moshuari ishte duke kaluar në anën tjetër të rrugës.
Edhe pse viktima u dërgua në gjendje të rëndë në spitalin e Lushnjës, ai nuk mundi te mbijetoje.
Ndërkohë drejtuesi i makinës Olsion Koçiu, 22 vjeç është shoqëruar për në komisariatin e Lushnjës, ku është në pyetje për të zbardhur shkakun e aksidentit.
Policia ndodhet në vendin e ngjarjes ku po heton shkaqet e këtij aksidenti.