Aksident në Kavajë/ Shoferi humb kontrollin dhe përplaset me 4 automjete të parkuara, plagoset 24-vjeçari

Një aksident është regjistruar mbrëmjen e kësaj të hëne në rrugën “Josif Budo”, Kavajë.

Shoferi 24-vjeçar ka humbur kontrollin për pasojë ka goditur 4 automjete të parkuara.

Sipas njoftimit zyrtar, plagoset lehtë 24-vjeçari, i cili është dërguar në spital për kontroll mjekësor.

“Rreth orës 19:30, shtetasi F. K., 24 vjeç, banues në Kavajë, duke drejtuar automjetin në rrugën “Josif Budo”, dyshohet se ka humbur kontrollin mbi drejtimin dhe për pasojë automjeti ka goditur 4 automjete të parkuara.

Si pasojë është dëmtuar lehtë 24-vjeçari, i cili është dërguar në spital për kontroll mjekësor.

Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit”, thuhet në njoftim.

/vizionplus.tv