Një kamion ka dalë nga rruga në hyrje të autostradës Fier- Vlorë, në afërsi të Levanit.
Kamioni me targa AA 902 GK i markës “Benz”, i cili transportonte lule dhe pemë dekorative ka përfunduar me kanalin pranë autostradës.
Informacionet paraprake bëjnë me dije se kamionit i është bllokuar timoni dhe ka përfunduar në kanal, duke evituar një tragjedi të mundshme nga ky aksident. Fatmirësisht nuk ka pasur persona të lënduar.
Ndërkohë policia e mbërritur në vendin e ngjarjes po punon për shmangien e trafikut.