Aksident në aksin Tiranë-Vorë/ Furgoni del nga rruga, humb jetën pasagjerja

Një aksident i rëndë me pasojë vdekjen e një personi është regjistruar këtë të dielë në aksin rrugor Tiranë-Vorë.

Një furgon mallrash ka dalë nga rruga dhe është përplasur me bordurën e autostradës. Si pasojë e përplasjes ka humbur jetën një vajzë e cila udhëtonte si pasagjere në furgonin e mallrave.

Ndërkohë ka mbetur i plagosur në gjendje të rëndë drejtuesi I mjetit.

Policia ka mbërritur në vendngjarje dhe po punon për zbardhjen e plotë të dinamikës së ngjarjejes si dhe identifikimin e viktimës.