Një person ka humbur jetën si pasojë e një aksidenti të ndodhur mëngjesin e kësaj të enjtje në Mallakastër.
Ngjarja ka ndodhur në autostradën Levan-Tepelenë, në afërsi të vendit të quajtur “24 Orëshi”, Mallakastër, ku shtetasi me iniciale A.H, 27 vjeç, duke drejtuar automjetin tip “Range Rover”, ka përplasur një motoçikletë.
Si pasojë e plagëve të marra ka ndërruar jetë drejtuesi i motoçikletës, identiteti i të cilit nuk bëhet i ditur.
Ndërkohë policia ka shoqëruar në komisariat drejtuesin e mjetit dhe po punon për zbardhjen e plotë të këtij aksidenti.
