Aksidenti me vdekje në Tiranë, në pranga shoferi 49-vjeçar

Shoferi 49 vjeçar që aksidentoi për vdekje shtetasin Q.H.  në aksin Vorë-Rinas është arrestuar nga Policia.

Ngjarja ndodhi më datë 23.12.2024, rreth orës 18:50. Mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.

Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, humbi jetën.

“Sektori i Qarkullimit Rrugor arrestoi në flagrancë shtetasin E.A, 49 vjeç, pasi me datë 23.12.2024, në aksin Vorë-Rinas, është përplasur me mjetin me drejtues Q.H, 45 vjeç, dhe për pasojë ka humbur jetën në spital”, thuhet në njoftim. /vizionplus.tv