Një aksident i trefishtë është regjistruar ditën e sotme në aksin Shkodër-Bushat.
Policia bën me dije se tre makina janë përplasur me njëra-tjetrën, ku për pasojë kanë mbetur të plagosur 4 persona.
Njëri nga drejtuestit e mjeteve, shtetasi I.Gj 30 vjeç ndodhet në gjendje të rëndë për jetën.
Grupi hetimor vijon punën për sqarimin e rrethanave të aksidentit.
Shkodër/Informacion paraprak
Më datë 22.08.2022, rreth orës 15:20, në aksin rrugor “Shkodër – Lezhë”, në fshatin Beltojë, janë përfshirë në aksident rrugor, automjeti tip “Opel”, me drejtues shtetasin I. Gj., 30 vjeç, automjeti tip “Toyota”, me drejtues shtetasin malazez P. G., 42 vjeç dhe automjeti tip “BMW”, me drejtues shtetasin kosovar A. B., 24 vjeç.
Si pasojë e këtij aksidenti, janë dëmtuar të tre drejtuesit e automjeteve, njëri prej të cilëve, shtetasi I. Gj. është në gjendje të rëndë, si dhe janë dëmtuar gjithashtu shtetasit D. Gj., 54 vjeçe, O. G., 44 vjeçe dhe A. H., 25 vjeçe, pasagjere në këto automjete.
Grupi hetimor vijon punën për sqarimin e rrethanave të aksidentit.
