Një aksident i rëndë rrugor është shënuar mëngjesin e sotëm në vendin e quajtur “Kryqëzimi i Cërrikut”, ku një person i moshuar ka mbetur i plagosur rëndë.
Sipas burimeve nga vendngjarja, ngjarja ka ndodhur rreth orës 10:15, kur i moshuari është përplasur nga një automjet i tonazhit të rëndë.
Dëshmitarë në vendngjarje raportojnë se përplasja ka qenë e fortë dhe ka shkaktuar panik te kalimtarët.
Menjëherë pas aksidentit në vendin e ngjarjes mbërritën forcat e rendit dhe një ambulancë, e cila transportoi të moshuarin drejt spitalit për të marrë ndihmën e nevojshme mjekësore.
Nuk dihen ende rrethanat e sakta të aksidentit dhe mbetet për t’u përcaktuar nëse bëhet fjalë për pakujdesi nga ana e drejtuesit të mjetit apo për ndonjë manovër të papritur nga i moshuari. Policia ka nisur hetimet për të zbardhur plotësisht shkaqet e ngjarjes.
Gjendja shëndetësore e të moshuarit mbetet e rëndë./vizionplus.tv
