Prokuroria e Posaçme Kundërr Korrupsionit dhe Krimit të organizuar, SPAK, ditën e sotme i komunikoi akuzat Ajola Xoxës, në prani të avokatit të saj, Maks Haxhia.
Sot bashkëshortja e Veliajt u mor e pandehur për tre akuza, korrupsion, pastrim parash dhe mosdeklarim parash.
Ndërkohë Veliajt, do t’i komunikohen tri akuzat e mësipërme si dhe futja e sendeve të paligjshme në qeli, në orën 11:00.
Megjithatë, SPAK vendosi të zgjasë hetimet për çiftin e bashkëshortëve dhe bizenesmenët e përfshirë në të njëjtën dosje deri më 29 shtator.
Veliaj ndodhet në qeli prej 10 shkurtit dhe po hetohet për korrupsion, fshehje të pasurisë dhe pastrim parash.
Ai së bashku me bashkëshorten e tij si dhe disa biznesmenë akuzohen nga SPAK se përmes faturave fiktive në organizatat e e drejtuara nga Ajola Xoxa, kanë përfituar para publike.
Ndërkohë ditën e djeshme në ambientet e Prokurorisë së Posaçme u paraqit biznesmeni Elman Abule.
Atij iu kominikua zyrtarisht akuza e pastrimit të parave. Abule ndodhet në masën arrest shtëpie i akuzuar në kuadër të dosjes Veliaj.
Kryebashkiaku i Tiranës është përballur disa herë me drejtësinë ku ka kërkuar masë më të zbutur.
Më 17 qershor, në seancën ku SPAK paraqiti informacionet dy mujore, Gjykata rrëzoi kërkesën për lirimin nga qelia të kryebashkiakut kundrejt garancisë pasurore.
Gjyqtari Erjon Bani vlerësoi se nuk ka asnjë kusht të ri për të ndryshuar masën e sigurisë.
Ndërsa më 8 korrik gjithashtu Gjykata e Lartë refuzoi rekursin e Erion Veliajt duke e lënë ate pas hekurave./vizionplus.tv
