Ahmetaj: Buxheti 2020 i fokusuar tek tërmeti, presim 150 milion euro nga donatorët

Diskutimet për paketën dhe projektbuxhetin e shtetit për vitin 2020 këtë herë në parlament kanë një kryefjalë, programin e rindërtimit pas tërmetit shkatërrimtarë të 26 nëntorit.

Për ministren e Financave, Anila Denaj qeveria do të realizojë planin për rindërtimin e banesave, por pa cënuar parametrat e buxhetit.

Duke nisur nga muaji janar qeveria do të nisi konkretizimin në praktikë të planit te rindërtimit, ndërsa pritshmëritë janë që ndihma e donatorëve të arrijë deri në 150 mln euro. sic deklaroi edhe Arben Ahmetaj.

Ndonëse ende nuk kemi një faturë finale të dëmeve të shkaktuara, Rudina Hajdari nga grupi parlamentar demokrat kërkoi anullimin e koncesioneve për përballimin e situatës financiare.