Kreu i Partisë Agrare Ambientaliste, Agron Duka deklaroi nga Shkozeti se qytetarët janë lodhur nga qeveria socialiste.
Gjatë një takimi me banorët e zonës, Duka tha se kryeministri Edi Rama nuk mbajti premtimet, por shkatërroi Shqipërinë.
“Shkozetit i ka ardhur në majë të hundës nga qeveria që drejtohet me disa kokrra, po po me kokrra. Unë vetë kam dhënë prova qe jam njeriu i fjalës së mbajtur ndaj dhe jam sot midis jush. Gara elektorale 2021 bashkë me Ju do jetë e MUNDUR. Edi Rama ka filluar të flasë përçart e thotë “shyqyr që më keni mua”. Nuk e di por sikur na është bërë “ALERGJI”, medet dhe një mandat katërvjeçar. Unë besoj se fushën e betejës Edi Rama, nuk e ka më të lehtë sespe fryma popullore eshte ne disfavorin e kësaj qeverie të korruptuar. Durrësi do ketë 14 kalorës që në terren do sjellin fryte, vota të ndershme për të ikur ky kryeministër dhe ky SEKT që shkatërroi Shqipërinë”, tha aleati i PD në “Facebook”.
