Adoleshenti vret 3 fëmijë dhe 2 mësuese në Brazil

Një adoleshent në Brazil ka vrarë me thikë tre fëmijë dhe ka plagosur dy mësuese. Ngjarja ka ndodhur në një çerdhe. Fëmijët thuhet se ishin më pak se dy vjeç.

Autoritetet thanë se agresori, një 18-vjeçar, goditi me thikë edhe trupin e tij dhe u dërgua në gjendje të rëndë në një spital.

Ende nuk dihen motivet që çuan deri te ngjarja tragjike.

Kryebashkiaku tha se të gjitha klasat e mësimit u anuluan këtë javë.

“Është një moment shumë i trishtuar në qytetin tonë të vogël. Ne vendosim menjëherë në dispozicion ekipet tona shëndetësore, ndërsa psikologët po shoqërojnë familjet.”