Një 14-vjeçar nga Gjirokastra ka përfunduar në spital pasi ka konsumuar lëndë narkotike të dyshuar cannabis sativa.
Sipas policisë, të miturit ia ka dhënë lënë narkotike një 16-vjeçar, për të cilin kanë nisur hetime.
Në gjendje të lirë është proceduar edhe një 22-vjeçar, i cili ka qenë i pranishëm në momentin që i mituri ka konsumuar lëndën narkotike.
“Nisi procedimi në gjendje të lirë për shtetasin P. N., 22 vjeç dhe për një shtetas 16 vjeç, të dy banues në Gjirokastër. Ditën e djeshme, 16-vjeçari dyshohet se i ka dhënë lëndë të dyshuar narkotike cannabis sativa, një 14-vjeçari, i cili pas konsumimit të saj është paraqitur në spital, me probleme shëndetësore, ndërsa 22-vjeçari ka qenë prezent gjatë këtij rasti, por nuk ka ndërhyrë dhe as nuk ka kallëzuar në Polici”, thuhet në njoftimin zyrtar të uniformave blu.
14-vjeçari mori mjekim dhe është jashtë rrezikut për jetën./vizionplus.tv
