E hënë, 16 Nëntor 2026 Film TV deri në 05:45 Në vijim ora 05:45: Takohemi N'vizion Reklamo Kontakt Karriera
Vizion Plus
Kosova

Abuzoi seksualisht me të miturën, Gjykata Themelore lë në burg abuzuesin

Gjykata Themelore në Gjilan ka njoftuar përmes një komunikate se ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej tridhjetë ditësh të pandehurit M. S.

 

I pandehuri dyshohet se me datë 7 shkurt 2019, në fshatin Mogillë Komuna e Vitisë, ka keqpërdorur seksualisht të miturën nën moshën 16 vjeçare N. K.

 

Reklamë

“Me këto veprime i pandehuri M. S., ka kryer veprën penale keqpërdorimi seksual i personave nën moshën 16 vjeçare, nga neni 235 paragrafi 1 nënparagrafi 1.3 lidhur me nenin 232 paragrafi 3 nënparagrafi 3.7 të Kodin Penal të Republikës së Kosovës (KPRK)”.

 

“Gjyqtari i procedurës paraprake në Departamentin e Krimeve të Rënda, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit, duke marre ne konsiderate ndjeshmërinë e kësaj vepre, gjithashtu edhe ndikimin tek e dëmtuara, gjë që do të pamundësonte rrjedhën normale të procedurës penale”, thuhet në njoftimin e Gjykatës.

 

Kjo ngjarje dhe ky vendim vjen ne kohen kur Kosova u trondit nga nje ngjarje e rende ne Drenas. Një 16-vjeçare u përdhunua nga mësuesi i saj dhe më pas nga polici, ku ajo shkoi për të bërë denoncimin./R.E.L

 

Vazhdo të lexosh

Reklamë