GJKKO ka lënë në burg nënkryetarin e bashkisë së Lushnjes Gentian Nushi dhe drejtorin e Prokurimeve, Leonard Sefa, të cilët akuzohen për shkelje në procedurat e tenderit për asfaltimin e një rruge.
Nushi akuzohet për kryerjen e veprës penale të “Shpërdorimit të detyrës” në bashkëpunim, “Shkeljes së barazisë së pjesëmarrësve në tendera apo ankande publike”, kryer në bashkëpunim.
Ndërkaq, drejtori i Prokurimeve akuzohet për kryerjen e veprës penale të “Shpërdorimit të detyrës” në bashkëpunim, “Shkeljes së barazisë së pjesëmarrësve në tendera apo ankande publike”.
Kujtojmë që më herët, në korrik të këtij viti u arrestua kryetari i bashkisë Lushnjë, Fatos Tushe, dhe 10 zyrtarë të tjerë, të akuzuar për shpërdorim detyre në bashkëpunim.
