Mes pakënaqësive për humbjet elektorale dhe në mesin e protestave të vazhdueshme, demokratët përgatiten për zgjedhjet e brendshme. Më 23 maj, anëtarësia e Partisë Demokratike është thirrur për të zgjedhur kryetarin e ri.
I ftuar në studion e Quo Vadis në Vizion Plus, anëtari i Këshillit Kombëtar, Lisandër Hoxha, shpjegoi se çdo kandidat që dëshiron të marrë pjesë në garë duhet të depozitojë dokumentet tek komisioni i ngritur.
I pyetur nëse Ervin Salianji mund të kandidojë, Hoxha theksoi se dorëzimi i dokumenteve është hapi i parë, dhe komisioni është ai që merr vendimin përfundimtar.
Pjesë nga biseda:
Borakaj: Mund të kandidojë Ervin Salianji për Partinë Demokratike?
Lisandër Hoxha: Sa i përket statutit, nëse Salianji apo dikush tjetër dëshiron të jetë kandidat për garën brenda Partisë Demokratike, depoziton dokumentet që kërkohen tek komisioni që do të ngrihet. Aty do të jetë një komision që bën filtrimet e veta, sepse mund të garojnë shumë veta. Pasi të miratohet nga komisioni, atëherë e kemi zyrtare.
/vizionplus.tv
