A e ka mundësinë financiare Shqipëria të paguajë 1 miliard dollarë për t’u bërë anëtare e përhershme e Bordit të Paqes?
Kjo ishte pyetja e drejtuar nga moderatorja Pranvera Borakaj në Quo Vadis ndaj panelistëve.
Eksperti i ekonomisë, Azmi Stringa, tha se Shqipëria nuk e ka mundësinë të paguajë një faturë të tillë dhe se, nëse do të kishte një marrëveshje të tillë, ajo do të duhej sërish të kalonte në Kuvend.
Pjesë nga biseda:
Borakaj: E kemi mundësinë të bëhemi anëtarë të përhershëm të Bordit të Paqes dhe të paguajmë faturën 1 miliard dollarë?
Stringa: Nuk besoj se e kemi këtë mundësi, por nuk besoj as se do të ndodhë. Nëse kjo do të ndodhte, marrëveshja do të kalonte sërish në Kuvend. Në ato pak marrëveshje që di, pasi marrëveshja është firmosur, ka shkuar dhe është miratuar në Kuvend me të gjithë termat financiarë.
