9 zyrtarë dhe ish zyrtare të lartë të Ministrisë së Brendshme u arrestuan me urdhër të SPAK pas hetimeve të një tenderi të bërë në maj të vitit të kaluar për uniformat e tenderave në policinë e shtetit me vlerë 2.8 miliarde leke të reja.
Emri më I rëndësishëm I arrestuar ishte Edlira Naqellari, ish drejtoreshë e Agjencisë së Blerjeve të Përqendruara, në Ministrinë e Brendshme.
Naqellari rezulton të jetë shkarkuar nga ky post në fillim të muajit korrik nga Ministri i Brendshëm, Bledi Çuçi.
Nuk dihet nëse Ministri ka pasur informacion për këtë aferë korruptive e cila në fakt u denoncua në SPAK në gusht 2020 nga deputetet Myslim Murrizi dhe Halit Valteri.
Agjencia e Blerjeve të Përqendruara që drejtohej deri pak ditë më parë nga Edlira Naqellari, funksionon si institucion qendror, person juridik publik, buxhetor, në varësi të ministrit të Brendshëm, me seli në Tiranë. Ajo, si organ qendror blerës, i autorizuar me vendim të Këshillit të Ministrave, ka si mision kryerjen e procedurave të prokurimit të fondeve buxhetore me vlerë mbi kufirin monetar të prokurimeve me vlera të vogla, në emër dhe për llogari të Kryeministrisë, ministrive, institucioneve në varësi të Kryeministrit e të ministrave të linjës, për blerjen e mallrave dhe të shërbimeve të përcaktuara.
Vec Edrlira Naqellarit, në pranga përfunduan edhe 8 persona të tjerë të cilin ishin anëtare të Komisionit të Prokurimit dhe anëtarë të Komisionit të Vlerësimit të Ofertave.
Ata akuzohen të gjithë për shkelje të barazisë në tendera.
