Kreu i PS për Tiranën, Ervin Bushati tregoi në intervistën për “Quo Vadis” në “Vizion Plus”, me moderatoren Pranvera Borakaj, nëse socialistët janë të gatshëm t’ia japin Presidentin, Partisë Demokratike, për hir të bashkëpunimit.
Ai shpjegoi se ftesa e kryeministrit Edi Rama për PD do të thotë ftesë për konsultim, që të zgjidhet një figurë me integritet, në vend të Ilir Metës.
“Jemi gati të konsultohemi me opozitën. Presidenti nuk është një lodër, kukull, çip apo kartë apo kapital që ti e shkëmben mbi apo nën tavolinë. Presidenti është një figurë shumë e rëndësishme që duhet të dijë të dalë mbi interesat e veta. Është shumë e rëndësishme të gjendet një njeri me integritet.”
