Kalaja priti 260 mijë vizitorë, interes i lartë i turistëve për zonën muzeale në Gjirokastër

Gjirokastra vijon të mbetet një nga destinacionet më të preferuara turistike edhe në muajin shtator.

Këtë fundjavë, rrugët e qytetit të gurtë janë mbushur me turistë të huaj, por edhe vizitorë vendas, të cilët kanë zgjedhur kalanë për vlerat e trashëgimisë kulturore.

Kalaja e Gjirokastrës vijon të jetë një nga pikat kryesore të itinerarit turistik në jug të vendit.

Historia, arkitektura karakteristike dhe pozicioni që ofron pamje mbi qytetin e bëjnë atë një prej atraksioneve më të frekuentuara të zonës.

Vetëm gjatë këtij viti, kalaja ka mirëpritur rreth 260 mijë vizitorë, duke u renditur ndër objektet e trashëgimisë kulturore më të vizituara në shqipëri.

/vizionplus.tv