Kriza energjetika ka bërë që shumë vende në Evropë të vënë në dispozicion shifra shumë të mëdha për të përballuar pasojat. Pas mbledhjes së kabinetit kryeministrja italiane Giorgia Meloni ka thënë se 9.5 miliardë euro do të jenë gati për krizën energjetike.
“Javën e ardhshme do të ndajmë 9.5 miliardë euro për të përballuar efektet e krizës energjetike dhe deri në fund të vitit 2023 do të ndahen edhe 23 miliardë euro të tjera”
Meloni bëri gjithashtu të ditur se do të përdorë edhe fondet europiane për adresimin e një pjese të nevojave emergjente.
“Ne jemi pro përdorimit të fondeve europiane me synimin për te perballuar nevojat që vijnë nga kriza energjitike. Ne besojmë se rritja e kostos së lëndëve të para krijon probleme në zbatimin e disa projekteve publike, kjo është një çështje që duhet trajtuar”
Masa e qeverisë italiane vijnë menjëherë pas vizitës që Xhorxhia Meloni zhvilloi në Bruksel ku u takua me presidentët e komisionit dhe të Këshillit Evropian, Ursula von der Leyen dhe Charles Michel.
