E hënë, 16 Nëntor 2026 Film TV deri në 03:00 Në vijim ora 03:00: Lajmet e Fundit Reklamo Kontakt Karriera
Vizion Plus
Politikë

80-vjetori i Çlirimit, Presidenti Begaj: Mijëra shqiptarë sakrifikuan jetën për lirinë

Presidenti Begaj ka uruar shqiptarët për 29 Nëntorin.

Me anë të një postim të bërë në faqen e tij zyrtare të Facebook, Presidenti shkruan se mijëra shqiptarë gjatë Luftës së Dytë Botërore sakrifikuan gjënë më të shtrenjtë, jetën, për diçka që ata e kishin edhe më të shtrenjtë, lirinë.

Më tej, Begaj thekson se aspirata e tyre për liri mbetet detyrimi ynë për një Shqipëri të lirë e të përparuar.

 “80 vite më parë vendi ynë doli trimfues në luftën kundër fashizmit dhe nazizmit, i rreshtuar në anën e duhur të historisë.

Reklamë

Mijëra shqiptarë, djem e vajza të vendit tonë, gjatë Luftës së Dytë Botërore sakrifikuan gjënë më të shtrenjtë, jetën, për diçka që ata e kishin edhe më të shtrenjtë, lirinë.

Sot i përkujtojmë më mirënjohjen më të thellë dhe u përulemi me respektin më të madh. Sakrifica e tyre është amaneti ynë. Aspirata e tyre për liri mbetet detyrimi ynë për një Shqipëri të lirë e të përparuar.

Lavdi përjetë Dëshmorëve të Atdheut!”, shkruan Presidenti Begaj.

/vizionplus.tv

 

Vazhdo të lexosh

Reklamë