Tetë deputetët e opozitës nga partia VMRO-DPMNE, të cilët votuan për ndryshimet kushtetuese i kanë dorëzuar kryetarit të kuvendit Talat Xhaferi vendimin e tyre se do të veprojnë si deputetë të pavarur.
Ata kane kërkuar te njihen zyrtarisht si grup i ri deputetësh. Kryetari i kuvendit, Xhaferi deklaroi se ka marrë njoftimin prej këtyre deputetëve për shkëputjen nga partia VMRO-DPMNE.
Vota e deputetëve opozitare solli tension në parti. Tete ligjvënës u akuzuan se kanë marrë para në këmbim të votës.
Ky grup i ri i deputetëve në parlament do të veprojë si opozitë dhe prej të hënës do t’i fillojë bisedimet për projekt propozimet për amendamentet kushtetuese.
