Presidenti Ilir Meta, kryetarja e Kuvendit Lindita Nikolla dhe kryeministri Edi Rama kryen homazhe në monumentin “Nëna Shqipëri” në nderim të dëshmorëve që dhanë jetën për çlirimin e vendit.
Drejtuesit më të lartë të vendit, përfaqësues të pushtetit vendor dhe të familjeve të veteranëve vendosën kurora me lule dhe u përkulën me nderim ndaj dëshmorëve të atdheut në 77-vjetorin e çlirimit.
Si në çdo vit, dita e çlirimit kujtohet në dy ditë të ndryshme.
Demokratët i nderuan dëshmorët e atdheut në 28 Nëntor pasi atë njohin si datë, ndërsa socialistët më 29, pasi për ata kjo është dita kur vendi ynë u çlirua nga pushtuesit.
