Kalaja e Lezhës është dëmtuar gjatë natës së të dielës nga persona të paidentifikuar.
Disa nga gurët që i përkasin periudhës antike janë shkulur dhe janë hedhur mbi zyrën e informacionit të kalasë, e cila është shkatërruar thuajse plotësisht.
Dëmtimi është konstatuar nga punonjësit, të cilët kanë njoftuar menjëherë uniformat blu. Ndërsa specialisti i monumenteve të kulturës, ded margjoni, shprehet se dëmi i shkaktuar është i konsiderueshëm.
Kjo është e disata herë që kalaja e Lezhës dëmtohet nga persona të papërgjegjshëm. Në këtë monument kulture mungojnë rojet dhe kamerat e sigurisë.
