607 qytetarë të gjobitur për maskën/ E pësojnë keq edhe katër administratorë lokalesh

607 qytetarë të tjerë u gjobitën në 24 orët e fundit sepse u kapën pa maska në ambientet e jashtme. Për secilin prej tyre, policët vendosën gjobën 3 mijë lekë.

Për 11 prej tyre është dashur shoqërimi në komisariat sepse nuk kanë treguar mjetin e identifikimit ose nuk e kishin atë me vete.

Pasi u gjobitën, ata u lanë të lirë. Gjithashtu, policia ka ndëshkuar me 1 milion lekë gjobë edhe katër administrator lokalesh që kishin muzikë pas orës 20.00.