Kujdesi me grimin
Shumë fëmijë të rritur nga prindër të rreptë dëshmojnë se vazhdojnë të kontrollojnë veten para pasqyrës nëse grimi i tyre duket i ekzagjëruar. Pra, rregulli i artë është jo rimel dhe jo buzëkuq me ngjyrë të ndezur! Edhe tani që janë rritur, këta individë vazhdojnë të bëjnë një grim të thjeshtë ose është totalisht e anasjellta…po rebelohen duke bërë pikërisht atë që prindërit nuk i lejonin të bënin.
Veshja e rrobave të shkurtra
Të gjithave na ka ndodhur të na thotë mamaja: “Po si shumë i shkurtër është ky fustani, si thua mam?” Deri këtu nuk ka asnjë problem apo jo? Kur kjo sjellje përsëritej duke i ndaluar fëmijët të eksperimentonin me pamjen, ata fillonin ta bënin këtë fshehurazi. Kështu, disave patjetër që u ka ndodhur të marrin rroba rezervë në çantën e shpinës dhe të ndërrohen para festave ose para se të fillojë mësimi.
Oraret e përcaktuara
“Në orën 9 të jesh në shtëpi, mirë?” Kjo fjali është makthi i çdo vajzë gjatë periudhës së adoleshencës në të cilën prindërit masnin minutat me kronometër dhe telefononin nëse do të vonoheshin qoftë 10 minuta. Ndërkohë jemi të sigurta që keni pasur të paktën një shoqe e cila nuk kishte orar dhe mund të kthehej në shtëpi në orën 12. Çfarë fati!
Daljet fshehurazi me të dashurin
Duhet të tregoje kujdes të veçantë kur kishit ndonjë takim romantik sepse sipas babit kjo është mosha në të cilën vajzat duhet të fokusohen tek shkolla. Epo ky argument nuk besoi se ndaloi ndonjërën për t’u takuar fshehurazi me dashurinë e parë dhe nëse dikush telefononte…ishit me shoqen.
Një periudhë universitare e zjarrtë
Kjo ka qenë periudha ideale për të provuar eksperienca të reja! Na thoni një person i cili nuk është dehur ose nuk është kthyer vonë në shtëpi gjatë festave studentore?
Trauma e telefonit
Çdo fëmijë i rritur nga prindër të rreptë ka një trauma të paevitueshme, ankthin që ndjen kur e telefonon dikush. Kjo vjen pasi gjatë moshës së adoleshencës, nga meraku i tepërt ata ju telefonin gjatë gjithë kohës. Kështu ju duhej se s’bën të shpjegonit ku ishit dhe ç’ishit duke bërë. Po të mos u përgjigjeshe në telefon niste lufta e tretë botërore./Living/
