Përmes një publikimi në rrjetet e tij sociale, Ministri për Evropën dhe Punët e Jashtme Igli Hasani ka reaguar në përvjetorin e tretë të agresionit rus në Ukrainë.
“Në përvjetorin e tretë të agresionit të paprovokuar të Rusisë ndaj Ukrainës, Shqipëria riafirmon mbështetjen e saj të palëkundur për integritetin territorial, sovranitetin dhe pavarësinë e Ukrainës, në linjë me qëndrimin e NATO-s dhe Bashkimit Evropian”, nënvizon Ministri Hasani.
Ai shprehet se Shqipëria e dënon fuqishëm këtë shkelje flagrante të së drejtës ndërkombëtare dhe nderon qëndrueshmërinë e popullit ukrainas.
“Çdo përpjekje duhet të bëhet për të arritur një paqe të drejtë dhe të qëndrueshme – për Ukrainën, popullin e saj, dhe sigurinë e Evropës dhe të botës”, shton ndër të tjera Ministri për Evropën dhe Punët e Jashtme, Igli Hasani në reagimin e tij.
On the third anniversary of Russia’s unprovoked aggression against Ukraine, Albania reaffirms its unwavering support for Ukraine’s territorial integrity, sovereignty, and independence, in line with NATO and the EU’s position.
We strongly condemn this blatant violation of… pic.twitter.com/1p9k2c3Hor
— Igli Hasani (@IgliHasani) February 24, 2025
