Ish-kreu i Aleancës Kuq e Zi, Kreshnik Spahiu bëri “bilancin e zi” të garës për kryetar në Partinë Demokratike.
Përmes një postimi në rrjetet sociale, ai kujtoi ata që kanë kandiduar për të marrë drejtimin e partisë më të madhe opozitarë në vend dhe fatin e tyre.
“Zgjedhjet e “lira” në PD dhe “Fati i Zi” i kandidatëve për Kryetar:
1- Eduard Selami (emigrant në SHBA)
2- Azem Hajdari (i vrarë)
3- Gramoz Pashko (i vdekur në aksident)
4- Sokol Olldashi (i vdekur në aksident)
Unë mendoj 100% ka qenë rastësi, pa “dashje”…”, u shpreh Kreshnik Spahiu.
Një reagim i tillë vjen në një kohë kur disa demokratë janë bërë bashkë për të kërkuar dorëheqjen e parevokueshme të Lulzim Bashës dhe zhvillimin e një gare për lidership në PD.
Kërkesa e tyre vjen pas humbjes së opozitës në zgjedhje.
