25 vjet nga bombardimet e NATO-s në Beograd, Spiropali: Mirënjohje pafund e të përjetshme Aleancës EuroAtlantike

Ministrja e Shtetit për Marrëdhëniet me Parlamentin, Elisa Spiropali ka reaguar me rastin e 25-vjetorit të bombardimeve të NATO-s në Beograd.

Ajo thotë se NATO nisi çerek dekade më parë, avionët e NATO-s nga qielli nisën të parën luftë humanitare në Europën e pasluftës së Dytë Botërore për të shpëtuar qytetërimin nga agresioni i neofashizmit nacionalist të Milosheviçit.

Lexo edhe :

Related Posts

25-vjetori i ndërhyrjes së NATO-s në Serbi, Vjosa Osmani: Aleancat duhet t’i ruajmë po aq sa edhe lirinë!

Ndërhyrja e NATO-s në Serbi 25 vjet më parë, ministri Hasani: Vendimtare në zhbërjen e ambicjeve gjenocidale të Millosheviçit

Reagimi:

25 vite më parë, avionët e NATO-s nga qielli nisën të parën luftë humanitare në Europën e pasluftës së Dytë Botërore për të shpëtuar qytetërimin nga agresioni i neofashizmit nacionalist të Milosheviçit dhe për të mbrojtur qytetarët e Kosovës nga masakra dhe genocidi shtetëror i Beogradit!

Forca e NATO-s, vetëdija e komunitetit ndërkombëtar bashkuar me sakrificat e jashtëzakonshme të burrave dhe grave të UÇK-së i dhanë jetë kësaj beteje epike dhe shpëtuan ndërgjegjen e Perëndimit duke korrektuar Historinë dhe duke i rikthyer shqiptarëve dinjitetin e jetës në liri!

Mirënjohje pafund e të përjetshme Aleancës EuroAtlantike dhe partnerit tonë strategjik, SHBA-së!

Nderim përjetë heronjve dhe viktimave të luftës në Kosovë, që me gjakun e tyre shtruan udhën e lirisë.

Ishte koha kur shqiptarët si komb takuan historinë!

Ishte kohë kur historia nisi të shkruhet ndryshe dhe më mirë për shqiptarët! /vizionplus.tv