161.1km në 3 orë e 54 minuta/ Ylber Sefa shpallet fitues i etapës së parë të rrethit 79-të të çiklistit

Ylber Sefa është shpallur fituesi i etapës së parë të rrethit 79-të çiklistik të Shqipërisë.

Sefa ka përshkuar Tiranë-Korçë, 161.1km në 3 orë, 54 minuta dhe 05 sekonda.

Vendin e dytë e ka zënë çiklisti rumun Cristian Raileanu.

Raileanu është shprehur i lumtur që ka mundur të jetë i dyti në këtë garë pjesë e së cilës u bë vetëm pak momente pasi zbriti nga avioni.

“Gara ishte shumë e mirë, është hera ime e tretë në Shqipëri, është një vend i bukur dhe për etapë të parë jam i lumtur me pozicionin e dytë, ishte e vështirë, shumë nxehtë.” tha çiklisti nga Rumania.