E hënë, 16 Nëntor 2026 Film TV deri në 05:45 Në vijim ora 05:45: Takohemi N'vizion Reklamo Kontakt Karriera
Vizion Plus
Bota

115 viktima nga sulmi terrorist! Tronditet Rusia, arrestohen 11 persona të dyshuar, ISIS merr përsipër ngjarjen

A massive blaze is seen over the Crocus City Hall on the western edge of Moscow, Russia, Friday, March 22, 2024. Several gunmen have burst into a big concert hall in Moscow and fired automatic weapons at the crowd, injuring an unspecified number of people and setting a massive blaze in an apparent terror attack days after President Vladimir Putin cemented his grip on the country in a highly orchestrated electoral landslide. (Sergei Vedyashkin/Moscow News Agency via AP)

Të paktën 115 persona humbën jetën dhe më shumë se 150 të tjerë mbetën të plagosur si pasojë e një sulmi terrorist në një sallë koncertesh në periferi të Moskës në Rusi.

Në pamjet e publikuara u shfaqën disa persona të maskuar dhe të armatosur rëndë, të cilët nisën të qëllonin ndaj civilëve përpara koncertit në sallën me 6200 vende.

Në video dëgjohen të shtënat më armë dhe britmat e njerëzve, të cilët nxitojnë për të dalë jashtë. Autorët pasi qëlluan me breshëri automatike ndaj turmës, hodhën brenda sallës lëndë plasëse. Pas kësaj një zjarr i madh përfshiu vendin.

Në pamje të tjera shfaqeshin trupa të pajetë në të gjithë ambientet ku ndodhi sulmi dhe pellgje me gjak. Mes të vdekurve dhe të plagosurve në koncertin e “Crocus city hall” raportohet se kishte edhe fëmijë.

Reklamë

Pak orë pas ngjarjes, përgjegjësinë për sulmin e mori i ashtuquajturi shteti islamik. Sipas njoftimit të tyre në Telegram, autorët ishin tërhequr në bazë.

Ndërsa shërbimi rus i sigurisë njoftoi se ka arrestuar 11 persona,  4 prej të cilëve të armatosur në afërsi të kufirit me Ukrainën, ku pretendohet se ata do të largoheshin.

Ukraina mohoi menjëherë pretendimet se mund të kishte dorë në këtë sulm, ndërsa SHBA reagoi duke ngushëlluar popullin rus.

Zyrtarë amerikanë thanë për mediat se kishin paralajmëruar Rusinë për sulme të mundshme terroriste. Më 7 mars ambasada e SHBA-së në Moskë lëshoi një alarm sigurie, pasi mori raporte se ekstremistët kishin plane për të sulmuar tubime të mëdha në Moskë, përfshirë koncerte.

Për shkak të sulmit, Rusia ka rritur nivelin e sigurisë në të gjithë vendit dhe ka anuluar aktivitetet kulturore deri në një moment të dytë.

“ISIS” ka qenë autor i disa sulmeve me qindra të vdekur në vitet e fundit.

Vazhdo të lexosh

Reklamë