Edhe në ditën e tretë vijon të jetë aktiv zjarri në pyllin e Poros, në zonën e hidrovorit të fshatit Akërni, në Vlorë.
Ndonëse situata u normalizua në orët e para të mëngjesit, vatrat janë riaktivizuar, duke detyruar autoritetet të dërgojnë një helikopter për shuarjen e trungjeve që ende digjen në brendësi të pyllit.
Gjatë dy ditëve të fundit, flakët kanë përfshirë një sipërfaqe të konsiderueshme pylli. Një ditë më parë ndërhynë nga ajri dy helikopterë, por pishat pranë lagunës së Nartës u dogjën nga zjarri.
Autoritetet u kanë kërkuar banorëve dhe bizneseve pranë zonës së rrezikuar të evakuohen, ndërsa mbetet për t’u parë nëse situata do të përmirësohet apo vatrat do të riaktivizohen sërish.
/vizionplus.tv
