Zjarret, avionët grekë normalizojnë situatën në Llogara

Gjatë 24 orëve të fundit në të gjithë vendin janë shënuar 15 vatra te reja zjarri. Një zjarr i madh ka rënë mesditën e se shtunës në kodrat e Ardenicës, në Lushnje. Pishat e buta dhe ullishtat kanë marrë flakë. Zjarrfikësit i janë drejtuar vendit të ngjarjes për të shuar flakët dhe mbrojtur banesat.

Problematike situate është edhe ne pyet e Matit, ku prej një jave po luftohet me flakët në disa vatra zjarri. Më problematike mbetet ajo në fshatin Madhesh në njësinë administrative Ulëz, ku rrezikohen dhe disa stane.

Ndërkohe ne parkun e Dajtit situata ketë te shtune paraqitet me e normalizuar, pasi flaket janë shuar. Për shuarjen e flakëve kanë ardhur në ndihmë edhe dy avionë të vegjël nga shteti grek, të cilët kanë ndihmuar për vënien nën kontroll të zjarreve në parkun kombëtar te Llogarase.

Drejtoria e Përgjithshme e Emergjencave Civile përsërit thirrjen ndaj të gjithë qytetarëve, që në rast se konstatojnë zjarre, të njoftojnë shërbimet zjarrfikëse.