Banorët e zonës së Paqësorit Palisades në veriperëndim të Los Anxhelosit po përballen me një situatë tejet të vështirë për shkak të një zjarri masiv që ka përfshirë 29,000 hektarë tokë dhe ka detyruar evakuimin e 30,000 njerëzve nga shtëpitë e tyre.
Autoritetet kanë paralajmëruar se gjendja mund të përkeqësohet, pasi pritet që erërat të forcohen, duke e bërë më të vështirë kontrollimin e flakëve. Dëshmitarët okularë kanë raportuar për djegien e disa shtëpive të shtrenjta në këtë zonë, ku shumë prej tyre janë vilë luksoze, disa në kanione të thepisura.
Kryebashkiakja e Los Anxhelosit, Karen Bass tha në një deklaratë në X, se autoritetet kanë shpallur një gjendje të jashtëzakonshme për të “përforcuar përgjigjen tonë ndaj këtij zjarri shkatërrues dhe për të hapur një rrugë për një rikuperim të shpejtë”.
“Qyteti po punon në mënyrë AGRESIVE për të përballuar këtë emergjencë,” tha ajo, duke falënderuar zjarrfikësit dhe reaguesit e parë që kanë punuar për të luftuar flakët.
“Për mijëra familjeve të prekura nga ky zjarr i tmerrshëm – Qyteti i Los Anxhelosit po ofron burime dhe strehim ndërsa ky zjarr vazhdon”, shtoi ajo./vizionplus.tv
