Zjarr masiv në Shkodër, shkrumbohet tregu dhe rrezikohen banesat private, detajet e para

Një zjarr i përmasave të mëdha ka përfshirë lagjen “Perash”, në Shkodër.

Gazetari i Vizion Plus, Bepin Kolvata raporton se si pasojë e flakëve në zonë është shkrumbuar tregu i sendeve të përdorura.

Po ashtu, banesat private dhe pallatet në zonë janë të rrezikuara.

Ndërkohë, zjarrfikësit po punojnë për shuarjen e zjarrit, teksa po hasin vështirësi për t’a vënë nën kontroll.

Nuk dihen shkaqet që çuan në këtë zjarr masiv.

Ndërkohë, lidhur me ngjarjen ka reaguar edhe policia.

“Rreth orës 18:55, në lagjen “Ndoc Mazi”, në një treg me rroba të përdorura ka rënë zjarr.

Zjarrfikësit së bashku me policinë menjëherë kanë shkuar në vendngjarje.

Shërbimet e Policisë po bëjnë evakuimin e banorëve nga banesat që rrezikohen nga zjarri.

Zjarrfikësit po punojnë intensivisht për shuarjen e zjarrit

Grupi hetimor nën drejtimin e Prokurorisë po punon për zbardhjen e shkakut të rënies së zjarrit”, thuhet në njoftim./vizionplus.tv/