Zidane premton trofe me Realin e Madridit

Pak vite me parë, një idhull për shumë tifozë te Real Madrid në fushën e lojës, tashmë në një tjetër rol të rëndësishëm në klubin e madhe spanjoll. Zinedine Zidane do të provojë më shpejt sesa kishte menduar eksperiencën si trajner i parë i Los Blankos, pas shkarkimit të Rafa Benitez. Presidenti Perez e gjeti zgjidhjen brenda familjes, sepse Zidane drejtonte deri më tani Real Madrid Kastijen, ekipin e dytë të klubit prestigjioz. 43-vjeçari francez ka një kurrikulum modest si trajner, teksa veç ekipit rezerve, ka qenë ndihmës në kohën kur skuadra e para drejtohej nga Karlo Anceloti. Zidane u bë trajneri i 24 i huaj në historinë e Realit të Madridit, dhe i pari teknik francez. Zidane që gjatë prezantimit nga Perez shoqërohej nga gruaja e tij dhe dy djemtë, ne fjalët e tij të para si tekniku i ri, premtoi se do të japë edhe shpirtin për të fituar me Realin. “Dua te falënderoj klubin per mundësinë e madhe qe me dha. Duhet te bëjmë me te mirën e mundshme, për te fituar. Jam i emocionuar, por kështu ndihesha edhe si lojtar i Realit. Unë premtoj qe do te jap gjithçka nga vetja për te fituar”, u shpreh Zidane, i cili u mbështet ne konference nga presidenti Perez. Bosi i klubit madrilène tha se per Zidane asgjë nuk është e pamundur dhe se si e di se çdo te thotë te punosh tek Reali. Francezi 43-vjeçar do te kete ndihmës te vet nje tjetër ish-lojtar te Realit, Santiago Solari ndërsa ne stërvitjen e pare u prit nga një numër i madh tifozësh.