Zgjedhjet e 11 majit dhe fushata zgjedhore, kjo ka qenë tema e diskutimit në studion e Quo Vadis të moderatores Pranvera Borakaj në Vizion Plus.
I ftuar në studio, pedagogu Rezart Prifti e ka cilësuar të gjithë fushatën elektorale boshe. Sipas tij kjo fushatë nuk ka prodhuar asgjë, dhe asgjë nuk do të ndodhë në vendin tonë, pavarësisht se kush fiton.
Sipas tij kjo fushatë tregon realitetin e shoqërisë shqiptare, ku partitë kanë hapur thesin e premtimeve dhe nuk ka asnjë diskutim serioz.
Pjesë nga biseda:
Borakaj: Si e ke parë gjithë këtë fushatë elektroale?
Prifti: Do them që është fushata më bosh. Por është e thjeshtë ta thuash, në prespektivën time kam nxjerrë një teori, ajo e debilizimit të shoqërisë shqiptare. Kjo është reflektim i sistemit shoqëror.
Borakaj: Mendon se Rama ka të drejtë kur thotë çyryrk?
Prifti: Po, mund të thotë ndonjë gjë tjetër. Marrim Zegjinenë, ajo e bëri njëherë dhe vijon të jetë e qendrueshme në atë që bën. Jo se tregon se ajo nuk është mirë, por Zegjineja ka kthim.
Borakaj: Është skenar?
Prifti: Le të jetë skenar, po pse është ky skenar. Është shoqëria që e përtyp këtë, është debilizim i shoqërisë shqiptare. Ka të bëjë me stofin shoqëror shqiptar. Nuk qaj më hallin e kësaj fushate apo zgjedhjeve, janë shumëzuar me zero, qaj hallin çfarë ndodh më pas. Në këtë moment që flasim kushdo që ta marrë nuk ndodh gjë. Unë këtë hall kam, çfarë ndodh më vonë, dhe si do ketë fuqinë shoqëria shqiptare sa që edhe aps këtyre zgjedhjeve a do të ketë përgjigje që t’i thotë dikujt tjetër që të kërkojë një mandat të pestë. Mua nuk më habisin këto. Ishte më i ndershëm Rama kur dilte me daulle, ndërsa sot të gjitha partitë kanë hapur thesin e premtimeve.
