Zgjedhjet në SHBA, Treska: Shqiptarët të përçarë politikisht

Sipërmarrësi Gerion Treska i ftuar në “Quo Vadis” të moderatores Pranvera Borakaj ka analizuar rolin e shqiptarëve në zgjedhjet në SHBA.

Sipas tij shqiptarët edhe në Amerikë janë të përçarë politikisht, njësoj si në atdhe.

Ai theksoi se shqiptarët bëhen bashkë gjithmonë në rast lufte, por kur vjen koha për të bërë diçka të mirë i hanë kokën njëri-tjetrit.

“Shqiptarët ashtu siç janë të përçarë në Shqipëri ajën të përçarë edhe jashtë. Jemi të përçarë politikisht jo ideologjikisht. Ne mblidhemi në rast lufte, dhe kur duhet të ndërtojmë një lloj mirëqenie fillojmë dhe i hamë kokën njëri-tjetrin. Ne duam të jemi të rëndësishëm për Amerikën, pasi jemi pro demokracisdë, pro drejtësisë, pro vullnetit të lirë”, tha Treska.