Përmes një statusi në facebook, ish-ministri i brendshëm Saimir Tahiri ka kritikuar LSI për deklaratat e bëra mbi zgjedhjet në Kavajë.
Një ditë pasi LSI deklaroi se nuk do të marrë pjesë në këto votime, Tahiri shprehet se LSI po zgjedh një standard të çuditshëm, duke ‘i shkelur syrin PD-së’. “Ndaj LSI le të thotë më mirë që nuk dëshiron të merret me fushatën e Kavajës dhe kjo mund të jetë e mirëkuptueshme;” shkruan tahiri.
Sipas tij, PS tashmë është mësuar me polemikat si opozitarë të aleatit në koalicion, ndërsa shton se në Kavajë, kandidaturën aty e propozon PS, ashtu sikundër veproi me Dibrën e Kolonjën, pasi kështu e parashikon marrëveshja.
Tahiri i kujton LSI gjithashtu se farsa e vërtete është mospjesëmarrja ne zgjedhje. Ai shton se me apo pa LSI, socialistet do respektojnë të drejtën sovrane të popullit shqiptar për të zgjedhur ofertën më të mirë, në Kavajë ne 7 maj dhe ne mbare Shqipërinë ne 18 qershor.
