Kancelari gjerman njëherësh kreu i Social Demokratëve (SPD), Olaf Scholz, ka reaguar pas përfundimit të votimeve, duke theksuar se rezultati ëhstë i hidhur për partinë e tij.
Duke folur me mbështetësit në Berlin, Scholz thotë se është një moment “në të cilin ne duhet të pranojmë se kemi humbur zgjedhjet”.
Exit poll-et treguan se SPD ishte në vendin e tretë, me 16-16.5% të votave.
Në zgjedhjet e mëparshme, Scholz tha se partia kishte një rezultat “më të mirë” për të cilin ai ishte “përgjegjës”, duke shtuar se ky rezultat “është më i keq dhe unë jam përgjegjës edhe për këtë”.
Scholz përgëzoi ndërkohë Friedrich Merz, liderin e partisë konservatore Demokristiane, i cili rezulton i pari në sondazhe.
