Zgjedhjet në Bosnje; nacionalistët-myslimanë jashtë Presidiumit

Komisioni Qendror Zgjedhor i Bosnjë dhe Hercegovinës shpalli  këtë të hënë  rezultatet paraprake  të zgjedhjeve për anëtarët e Presidencës së vendit.3.4 milionë qytetarë me  të drejtë vote  kanë zgjedhur nga një liste te madhe prej më shumë se 100  partish e koalicionesh.

Pas numërimit të  më shume se gjysmës së  votave në garën për vendin boshnjak në presidium,  kryeson Denis Becirovic me 55% të votave  i cili ndiqet nga kryetari i partise  nacionaliste-myslimane, SDA Bakir Izebtbegovic, me 41 % te  votave.

Fitorja e Becirovic do të nënkuptonte që pas 12 vjetësh asnjë politikan i partise nacionaliste-myslimane  nuk do të përfaqësohej më në presidium.

Ndërsa për vendin kroat  deri më tani kryeson reformuesi, Zeljko Komsic me 67% të votave.

Por vendi serb në presidium do të mbetet në duart e nacionalistëve.

Kandidatja e  partise SNSD-së qeverisëse, Zeljka Cvijanvocic ka arritur deri  më tani 60% të votave. Ajo konsiderohet si e besuara e separatistit serb, Milorad Dodik, që ka pasur deri tani vendin serb në presidium. Ndërkohë rezultatet përfundimtare priten. Rezultatet përfundimtare të zgjedhjeve pritet të dalin këtë të hënë