30 kallëzime penale janë dorëzuar në Prokuroritë e rretheve, nën akuzën e krimeve zgjedhore.
Për 18 prej tyre është vendosur regjistrimi i çështjeve, 3 të tjera janë refuzuar, ndërsa paditë e tjera po verifikohen ende.
Prokuroria e Përgjithshme njoftoi se 9 kallëzime janë bërë nga subjekte politike, ndërsa 21 janë dorëzuar nga policia gjyqësore e drejtorive vendore.
Bëhet fjalë për padi që kanë ardhur nga 12 qarqet e vendit, ndërkohë që prokuroria sqaron se 6 persona janë arrestuar në flagrancë.
