Ish-deputeti i Partisë Demokratike Aldo Bumçi, tha në Quo Vadis se opozita është më e përgatitur se kurrë për të marrë pjesë në zgjedhjet lokale, data e të cilave u shpall këtë të hënë.
Bumçi theksoi se rrallherë më parë opozita ka qenë kaq e bashkuar duke përfshirë, Partinë e Lirisë, partitë opozitare, p[artitë jo parlamentare dhe aktorë të ndryshëm të shoqërisë civile.
Opozita e bashkuar sipas ish-deputetit ofron shpresë te qytetarët.
“Opozita është më e përgatitur se ndonjëherë tjetër. Kemi kaluar një vit të jashtëzakonshëm politik ku kishte një projekt të qartë për të ‘vrarë’ opozitën.
Dhe kjo opozitë sot, jo vetëm që mbijetoi por tregoi që është një forcë që ofron shpresë, që mbushi bulevardin në 7 korrik.
Kjo opozitë po ofron një front të gjerë, së bashku me Partinë e Lirisë, me partitë e tjera opozitare, me 19 parti jo parlamentare, që përfshinë edhe aktorë të shoqërisë civile.
Rrallherë opozita ka qenë kaq e bashkuar. Ka një frymë shumë pozitive.”– tha ish-deputeti Bumçi.
