Kolegji Zgjedhor do të vendos këtë të hënë nëse do të zhvillohen apo jo zgjedhjet në 30 qershor.
Kolegji do të mblidhet pas kërkesës ankimore të bërë prej Partisë Uniteti Kombëtar, e cila kërkoi ç’regjistrimin nga zgjedhjet për organet e qeverisjes vendore, me argumentin se Presidenti Republikës, Ilir Meta ka anuluar me dekret zgjedhjet e 30 qershorit.
Fillimisht ishte KQZ ajo që shqyrtoi kërkesën e Partisë Uniteti Kombëtar, të cilën e hodhi poshtë me argumentin se Kodi Zgjedhor nuk parashikonte çregjistrim në këtë fazë.
KQZ hodhi poshtë gjithashtu edhe dekretin e presidentit Ilir Meta duke e cilësuar nul e pa pasoja juridike.
Nga ana tjetër, Partia Demokratike ka reaguar të dielën duke theksuar se Kolegji Zgjedhor nuk ka fuqi dhe se nuk mund të vendosë në lidhje me datën e zgjedhjeve.
