Arkeologët në Egjipt kanë zbuluar një varr antik, i cili daton të jetë më i lashtë se 4 400 vjeçar. Ky varr i gjetur në zonën e Sakaras, pranë Kajros nga një mision arkeologjik egjiptian, i përket një prifti.

 

Varri i klerikut të quajtur Wahtye daton në periudhën e dinastisë së pestë mes 2 500 dhe 2 300 vite para erës sonë. Varri i zbukuruar me hieroglife dhe statuja  u zbulua në një kompleks piramidash.

 

Sipas arkeologëve ky varr është i ruajtur shumë mirë, mbushur me skulptura në pjesën e brendshme ku bien në sy më shumë se 24 të tilla plot ngjyra  për nder të klerikut dhe pjesëtarëve të familjes së tij.

 

Në muajin nëntor, në të njëjtën zonë të Sakara, autoritetet egjiptiane zbuluan shtatë varreve, katër nga të cilat ishin më të vjetra se sa 6 000 vjeçare, nga i njëjti mision arkeologjik egjiptian.

Leave a Reply

Your email address will not be published.