Vendi
Rriten temperaturat, parashikimi i motit për ditën e sotme
Ilustrim · Vizion Plus
Sipas MeteoAlb, territori shqiptar gjatë orëve të paradites do të jetë nën ndikimin e motit të kthjellët dhe vranësirave të lehta e kalimtare. Më të dukshme vranësirat do të jenë në zonat e thella malore.
Parashikohet që orët e pasdites të vijojnë nën ndikimin e kthjellimeve dhe vranësirave të shpeshta nëpër të gjithë territorin e vendit, megjithatë mundësia për reshje është thuajse zero.
Temperaturat e ajrit do të pësojnë rritje në të dy vlerat ekstremale ditore duke u luhatur nga 8°C temperatura më e ulët në Bajram Curr deri në 35°C vlera maksimale, e cila do të shënohet në qarkun e Beratit.
Era do të arrijë shpejtësinë mbi 40 km/h nga drejtimi Jugperëndimor. Kjo do të bëjë që në brigjet detare të gjenerohet dallgëzim mbi 2 ballë.
