Zbulohet plantacioni i kanabisit/ Spanjë, policia asgjëson 415 mijë bimë me vlerë 100 milionë euro

Autoritetet spanjolle kanë zbuluar plantacionin më të madh të kanabisit në Evropë dhe kanë shkatërruar 415,000 bimë me vlerë deri në 100 milionë euro.

Rreth 50 tonë bimë u gjetën në procesin e tharjes, në një magazinë ku do të përpunoheshin më tej në kanabidiol, një përbërës jo psikoaktiv që po përdoret gjithnjë e më shumë për të trajtuar ankthin, pagjumësinë dhe sëmundje të tjera.

Plantacioni ishte i vendosur në rajonin verior rural të Navarrës dhe ishte i organizuar në 11 fusha me një sipërfaqe të përgjithëshme prej 166 hektarësh.

Tre persona u arrestuan ndërsa pronari i plantacionit fillimisht e prezantoi fermën si një operacion ligjor për të prodhuar kanabis industrial, por më vonë u zbulua se po planifikonte të eksportonte sasi të mëdha lënde narkotike në Itali dhe Zvicër.